וואונדערליך

שאו מרום עיניכם וראו מי ברא אלה... נאטור; גרויסע חיות; אסטראנאמיע; מיסטעריע; עסנווארג און שפייז; ים באשעפענישן – און אט שטעלן מיר אייך פאר דער זיבעטער באנד פון די "וואונדערליך – נפלאות הבורא אנציקלאפדיע" סעריע, וואס ליינענדיג דערין וועט דאס אייך צוברענגען זיך צו פארטיפן אין גדלות הבורא, וואס אלס השי"ת – כביכול – האט מיט זיין גרויס חכמה אריינגעלייגט אין די בריאה. דער נייער באנד "ערפינדונגען", קאנצעטרירט זיך איבער די מורא'דיגע כוחות הטבע וואס השי"ת האט איינגעפלאנצט אין די נאטור, און דערמיט ערמעגליכט דעם מענטש ארויסצוברענגען מכח אל הפועל אט די אלע וואונדער, וועלכע האבן גענצליך געטוישט די וועלט. דער בוך איז באגלייט מיט באצויבערנדע בילדער, פאקטן און ציפערן וועלכע גיבן צו גאר אסאך אינטרעסאנטקייט צו יעדן ענין. ליינט און באקענט אייך מיט השי"ת'ס וועלטל!